حکومت نے پیٹرول اور ڈیزل کی قیمتوں میں اضافہ کردیا جس کا نوٹیفکیشن بھی جاری کردیا گیا ہے۔
اے آر وائی نیوز کے مطابق حکومت کی جانب سے پیٹرول کی قیمت میں ایک روپے کا اضافہ کیا گیا ہے جس کے بعد نئی قیمت 257 روپے 13 پیسے فی لیٹر مقرر ہوگئی۔
ڈیزل کی قیمت میں 7 روپے اضافہ کیا گیا ہے جس کے بعد ڈیزل کی نئی قیمت 267 روپے 95 پیسے ہوگی۔
پیٹرولیم مصنوعات کی نئی قیمتوں کا اطلاق رات 12 بجے سے ہوگا۔
واضح رہے کہ حکومت کی جانب سے پیٹرولیم مصنوعات کی قیمتوں میں ہر پندرہ روز میں ردوبدل کا اعلان کیا جاتا ہے۔
اس سے قبل حکومت نے 15 جنوری کو پیٹرول کی قیمتوں میں 3 روپے 47 پیسے فی لیٹر اور ہائی اسپیڈ ڈیزل کی قیمت میں 2 روپے 61 پیسے کا اضافہ کیا تھا۔
