پاکستان ٹیم رواں ماہ بنگلہ دیش کے خلاف تین میچوں پر مشتمل ٹی 20 سیریز کھیلے گی جس کے لیے قومی کھلاڑیوں کا انتخابات کر لیا گیا ہے۔
پاکستان اور بنگلہ دیش کے درمیان تین ٹی 20 میچوں پر مشتمل سیریز رواں ماہ کھیلی جائے گی۔ 20 جولائی سے شروع ہونے والی سیریز کے لیے قومی ٹیم 16 جولائی کو روانہ ہوگی۔
ذرائع نے بتایا ہے کہ بنگلہ دیش کے خلاف ٹی ٹوئنٹی سیریز کے لیے 20 کھلاڑیوں کا انتخاب کر لیا گیا ہے۔ نائب کپتان شاداب خان کو انجری کی وجہ سے ڈراپ کر دیا گیا ہے۔ وہ کاندھے کی تکلیف میں مبتلا ہیں۔
ٹی 20 کپتان سلمان علی آغا اور ہیڈ کوچ مائیک ہیسن کی مشاورت سے منتخب کردہ اسکواڈ میں نوجوان کھلاڑیوں کو ترجیح دی گئی ہے۔
سیریز کے لیے پاکستان کرکٹ ٹیم کا تربیتی کیمپ 7 جولائی سے شروع ہوگا۔ اس سے ایک روز قبل ہیڈ کوچ مائیک ہیسن پاکستان پہنچ کر قومی ٹیم جوائن کر لیں گے۔
سیریز کا آغاز 20 جولائی سے ہوگا۔ میچز 20، 22 اور 24 جولائی کو کھیلیں جائیں گے۔
