کراچی: پاکستان ریلوے نے کشمیریوں سے اظہار یکجہتی کے لیے اسٹیشنز پر پرچم لگا دیے۔
تفصیلات کے مطابق پاکستان ریلوے نے کشمیریوں سے اظہار یکجہتی کے لیے اسٹیشنز کے داخلی اور خارجی راستوں پر جگہ جگہ پینا فلیکس اور بینرز آویزاں کیے گئے ہیں۔
ریلوے اسٹیشنز پر لگائے گئے پینا فلیکس اور بینرز پر بھارتی جارحیت اور بربریت کی تصاویر موجود ہیں۔
کینٹ ،سٹی،ڈرگ روڈ اسٹیشن سمیت ملک بھر کے اسٹیشن پر تصاویر لگائی گئی ہیں۔کشمیری پرچم وفاقی وزیر ریلوے شیخ رشید احمد کی ہدایت پر لگائےگئے ہیں۔
مقبوضہ کشمیر کی خصوصی حیثیت ختم کر کے ہندوستان کا حصہ قرار دینے کے خلاف کشمیریوں سے اظہار یکجہتی کے لیے کل پانچ اگست کو یوم استحصال منایا جائے گا۔
واضح رہے پانچ اگست 2019 تاریخ کا وہ سیاہ دن ہے جب مودی حکومت نے مقبوضہ کشمیر کوخصوصی حیثیت دینے والے آرٹیکل ختم کر کے کشمیریوں پر زندگی تنگ کردی تھی، ایسے وقت جب کشمیریوں کو ایسے رہنما کی ضرورت تھی جو اُن کا مسئلہ اقوام عالم کے سامنے رکھتا۔
وزیراعظم عمران خان نے کشمیر کی آواز بننے کا اعلان کیا اور مظلوم وادی کا مقدمہ بھرپور انداز میں لڑنے کے لئی سفیر کشمیر بنے۔
