لاہور : پاکستان ریلوے نے 50 ڈبوں پر مشتمل تاریخ کی لمبی ترین مال گاڑی چلا دی ،ٹرین 94بائس وہیلرٹرکوں سےزائد وزن اٹھانے کی صلاحیت رکھتی ہے۔

تفصیلات کے مطابق پاکستان ریلوے نے 50 ڈبوں پر مشتمل تاریخ کی لمبی ترین مال گاڑی چلا دی ، ترجمان نے کہا کہ ڈھائی ہزار فٹ لمبی مال گاڑی 50 ڈبوں پرمشتمل ہے، مال گاڑی کو انتہائی طاقتور انجن جی ای یو 40 کےذریعے چلایا گیا۔

ترجمان کا کہنا تھا کہ مال گاڑی کراچی سے 3 ہزارٹن سےزائد مال لوڈ کر کے کوٹری گئی، ٹرین 60 کلومیٹر فی گھنٹہ کی رفتار تک گئی، اوسط رفتار 38 کلومیٹر فی گھنٹہ رہی۔

ترجمان نے مزید بتایا کہ ٹرین 94بائس وہیلرٹرکوں سےزائد وزن اٹھانے کی صلاحیت رکھتی ہے، لثاس مال گاڑی سے روڈ ٹریفک پر لوڈ میں کمی آئے گی۔