اسلام آباد : حکومت پاکستان نے کرتارپورراہداری پھرسے کھولنے کا فیصلہ کرلیا ، 16 مارچ کوکورونا وبا کے باعث کرتار پور راہداری کو بند کیا گیا تھا۔
تفصیلات کے مطابق ترجمان دفتر خارجہ نے اپنے بیان میں کہا ہے کہ پاکستان نے 29 جون کوکرتار پور راہداری کھولنے کے انتظامات مکمل کر لیے، مہاراجہ رنجیت سنگھ کی برسی پرکرتارپور راہدرای کھولنے کو تیار ہیں۔
ترجمان کا کہنا تھا کہ انتظامات کی تیاری کے حوالے سے بھارتی حکومت کو باضابطہ آگاہ کر دیا ، دنیا بھر میں مذہبی مقامات کو بتدریج کھولا جا رہا ہے16 مارچ کو کورونا وبا کے باعث کرتار پور راہداری کو بند کیا گیا تھا۔
معاون وزیراعظم کےمعاون خصوصی زلفی بخاری نے سماجی رابطے کی ویب سائٹ ٹوئٹر پر اپنے بیان میں کہا ہندی، اردو، انگریزی اور پنجابی میں دنیا بھر کی سکھ کمیونٹی کو خوش آمدید کہا ، کمہاراجہ رنجیت سنگھ کی برسی کے موقع پر کرتارپورراہداری 29جون سے سکھ کمیونٹی کے لیے کھول رہے ہیں۔
زلفی بخاری کا کہنا تھا کہ کرتارپور صاحب میں پھرسے خوش آمدید کہتے ہیں ، کرتارپور راہداری کوسیاحتی ایس او پیز کے مطابق کھولا جائے گا۔
خوش آمدید
Welcome
جی آیاں نو
ਜੀ ਆਇਆਂ ਨੂੰKartarpur reopens for Sikh Community from all over the world under Government of Pakistan’s tourism SOPs on 29-06-2020 at the occasion of death anniversary of Maharaja Ranjeet Singh.
Kartarpur Sahib & Pakistan welcome you back again! pic.twitter.com/YsLxZlLiLE
— Sayed Z Bukhari (@sayedzbukhari) June 27, 2020
اس سے قبل وزیر خارجہ شاہ محمودقریشی نے سماجی رابطے کی ویب سائٹ ٹوئٹر پر اپنے بیان میں کہا کہ دنیا بھر میں کورونا کے باعث بند عبادت گاہیں کھولی جارہی ہیں، پاکستان سکھ یاتریوں کیلئےکرتارپورراہداری کھولنےکی تیاری کررہا ہے، بھارت کومطلع کردیا ہے کہ ہم 29 جون کو مہاراجہ رنجیت سنگھ کی برسی پر کرتارپور کھولنے کیلئے تیار ہیں۔
As places of worship open up across the world, Pakistan prepares to reopen the Kartarpur Sahib Corridor for all Sikh pilgrims, conveying to the Indian side our readiness to reopen the corridor on 29 June 2020, the occasion of the death anniversary of Maharaja Ranjeet Singh.
— Shah Mahmood Qureshi (@SMQureshiPTI) June 27, 2020
دوسری جانب وزیراعلیٰ پنجاب عثمان بزدار سے پارلیمانی سیکرٹری انسانی حقوق سردارمہندر پال سنگھ کی ملاقات ہوئی ، سردار مہندر پال سنگھ نے اقلیتوں مسائل کے حل میں ذاتی دلچسپی پرشکریہ ادا کیا۔
سردار مہندر پال سنگھ نے کہا پنجاب نےاقلیتوں کی فلاح و بہبود کیلئے مثالی اقدامات کئے، حکومت نےعبادت گاہوں کی مرمت کیلئے فنڈز دے کر دل جیت لئے۔
وزیراعلیٰ پنجاب عثمان بزداراقلیتوں کی فلاح وبہبود کیلئے ممکنہ وسائل فراہم کریں گے ، تحریک انصاف کی حکومت اقلیتی برادری کی فلاح و بہبود کا وژن رکھتی ہے۔
عثمان بزدار کا کہنا تھا کہ پاکستان میں بسنے والی اقلیتوں کو آئین کے تحت برابر کے حقوق حاصل ہیں، اقلیتوں کے مذہبی مقامات کی ہر ممکن دیکھ بھا ل کی جائے گی
