کراچی : کانگریس، عام آدمی پارٹی اورانتہا پسند تنظیموں دھمکیاں کام کرگئی، پاک بھارت میچ دھرم شالا سے کولکتہ منتقل کردیاگیا۔
وزیراعلی ہماچل نے پاکستان ٹیم کو سیکورٹی نہ دے کرکھیل کے ساتھ کھلواڑ کاآغاز کیا کانگریس کے بعد عام آدمی پارٹی نے بھی زہر اگلا، دھرم شالا میں پاک بھارت میچ ہونے پر سنگین نتائج کی دھمکی دی۔
ہماچل کی سابق فوجی تنظیم بھی پاک بھارت میچ مخالف میں سڑکوں پر نکل آئی اورنعری بازی بھی کی، انتہاپسند تنظیموں کی دھمکیاں رنگ لے آئی، پاک بھارت میچ پہاڑی شہر سے ساحلی شہر منتقل کردیاگیا، وزیراعلٰی ہماچل پردیش کامطالبہ مان لیا گیا، ورلڈ ٹی ٹوئنٹی میں پاک بھارت میچ دھرم شالا میں نہیں ہوگا۔
انٹرنیشنل کرکٹ کونسل کےڈیوڈ رچرڈ سن نے اعلان کیا کہ انیس مارچ کو پاک بھارت میچ دھرم شالا کی جگہ کولکتہ میں ہوگا۔
ڈیو رچرڈسن نے کہا وینیو تبدیل کا فیصلہ میچ کو پرامن بنانے کے لئے کیا گیا، ٹیموں کی سیکیورٹی اولن ترجیح ہے، پی سی بی کو فیصلے سے آگاہ کردیا ہے۔
ڈیوڈ رچرڈسن نے کہا کہ مقام تبدیل کرنے کا فیصلہ پاکستان کرکٹ بورڈ کی درخواست اوردوسری وجوہات کی بناپرکیا گیا پاکستان نے سکیورٹی خدشات کی وجہ سے دھرم شالہ میں میچ کھیلنے سے انکارکردیاتھا۔
واضح رہے کہ ہماچل پردیش کے وزیراعلٰی نےخبردار کیا تھا کہ پاکستان ٹیم دھرم شالا آئی تو سیکورٹی نہیں دیں گے۔
