پیر, مئی 20, 2024
اشتہار

پاک چین لازوال دوستی کی نئی مثال، پاکستان کو 1.3ارب ڈالر موصول

اشتہار

حیرت انگیز

کراچی : پاکستان کو چینی بینکوں سے 1.3ارب ڈالر موصول ہوگئے، رقم ترقیاتی فنڈ،کوروناسےنمٹنے اور غیرملکی ادائیگیوں کےلیے ملی،23 جون تک مجموعی طور پر 3 ارب ڈالر موصول ہوچکے ہیں۔

تفصیلات کے مطابق پاک چین لازوال دوستی کی نئی مثال قائم کردی اسٹیٹ بینک آف پاکستان نے جاری بیان میں کہا ہے کہ چین کی جانب سے 1.3 ارب ڈالرموصول ہوگئے ہیں ، مرکزی بینک کو چینی بینک سے رقم موصول ہوئی ، یہ رقم ترقیاتی منصوبوں کورونا سے نمٹنے اور غیرملکی ادائیگیوں کیلئے دی گئی۔

مرکزی بینک کو تیئیس جون سے اب تک تین ارب ڈالر موصول ہوچکے ہیں۔

- Advertisement -

یاد رہے گذشتہ ہفتے پاکستان کو عالمی بینک اور ایشیائی ترقیاتی بینک اور ایشین انفرااسٹرکچرانویسٹمنٹ بینک کی جانب سے 50، 50کروڑ ڈالر موصول ہوئے تھے، مالیاتی اداروں کی جانب سے رقم کووڈنائنٹین ایکٹو رسپانس پروگرام کے تحت دی گئی تھی۔

ماہرین کا کہنا تھا کہ مختلف منصوبوں کے لیے ملنے والی اس رقم سے حکومت کی مالی مشکلات میں کمی آئے گی۔

خیال رہے اپریل میں بین الاقوامی مالیاتی فنڈ (آئی ایم ایف) کی جانب سے پاکستان کو ایک ارب 39 کروڑ ڈالر کی رقم موصول ہوئی تھی، رقم قسط ریپڈفنانس انسٹرومنٹ کےتحت موصول ہوئی۔

اعلامیے میں کہا گیا تھا کہ موجودہ غیریقینی صورتحال میں کوروناکےمعاشی اثرات سامنےآئیں گے، آئی ایم ایف کی مدد سے بین الاقوامی ذخائرمیں بہتری آئے گی اور عارضی اخراجات میں اضافےکیلئےبجٹ کومالی اعانت فراہم ہوگی۔

Comments

اہم ترین

انجم وہاب
انجم وہاب
انجم وہاب اے آر وائی نیوز سے وابستہ ہیں اور تجارت، صنعت و حرفت اور دیگر کاروباری خبریں دیتے ہیں

مزید خبریں