اسلام آباد : ملک بھر میں کرونا وائرس کے کیسز ریکارڈ ہونے کا سلسلہ جاری ہے ، ایک دن میں کورونا کے 23 کیسز رپورٹ ہوئے تاہم کوئی اموات نہیں ہوئی۔
تفصیلات کے مطابق قومی ادارہ صحت نے ملک میں کورونا صورتحال سے متعلق اعدادو شمار جاری کردیئے۔
این آئی ایچ نے بتایا کہ 24گھنٹے کے دوران ملک میں کورونا کے 3 ہزار 910 ٹیسٹ ہوئے، جس میں سے کورونا کے 23 مثبت کیسز سامنے آئے۔
این آئی ایچ کا کہنا تھا کہ 24 گھنٹےمیں کوروناکےکسی مریض کاانتقال نہیں ہوا تاہم کورونا کے 22 مریضوں کی حالت نازک ہے، اس دوران کوروناکےمثبت کیسزکی شرح0.59 فیصد ہے۔
خیال رہے ایئرپورٹس پر کورونا کی روک تھام کیلئےسی اےاے نے نئے احکامات جاری کردیے ہیں ، جس میں چین جانےوالے مسافروں کیلئے منفی کورونا ٹیسٹ کی رپورٹ دینا لازم قرار دے دی گئی ہے۔
انٹرنیشنل آرائیول لاؤنج میں تعینات متعلقہ عملےکولازمی فیس ماسک کی ہدایت کی گئی ہے۔
