The news is by your side.

Advertisement

پاکستان میں کورونا سے ایک دن میں 75 اموات، مجموعی تعداد 13 ہزار سے تجاوز کرگئی

اسلام آباد: پاکستان میں کورونا سے ایک دن میں 75 مریض جاں بحق ہوگئے ، جس کے بعد اموات کی تعداد 13 ہزار سے تجاوز کرگئی۔

تفصیلات کے مطابق نیشنل کمانڈاینڈآپریشن سینٹر نے ملک میں کورونا صورتحال کے حوالے سے تازہ ترین اعداد و شمار جاری کردیئے ، جس میں بتایا گیا کہ ملک میں 24 گھنٹے میں 32 ہزار 945 کورونا ٹیسٹ کیے گئے، اس دوران کورونا کے ایک ہزار تین سو اٹھاسی نئے متاثرین سامنے آئے ہیں۔

این سی او سی کا کہنا ہے کہ گزشتہ 24 گھنٹے میں ملک میں75 کورونامریض انتقال کرگئے، جس کے بعد کورونا سے مرنے والوں کی تعداد 13ہزار 13 ہوگئی۔

ملک میں تاحال90لاکھ55ہزار69کوروناٹیسٹ کیےجاچکےہیں جبکہ اس وقت ملک میں کوروناکےفعال کیسزکی تعداد16ہزار648 ہے اور متاثرہ افراد کی مجموعی تعداد 5 لاکھ 83 ہزار916 ہو گئی ہے۔

اعدادو شمار کے مطابق پنجاب میں کورونا کیسزکی تعداد ایک لاکھ 73 ہزار395، سندھ میں 2 لاکھ 58 ہزار679، خیبر پختونخوا میں 72 ہزار801 ، بلوچستان 19 ہزار76 جبکہ آزاد کشمیر10 ہزار319 اور گلگت بلتستان میں 4 ہزار 956 افراد کورونا سے متاثر ہوچکے ہیں۔

Comments

یہ بھی پڑھیں