The news is by your side.

Advertisement

پاکستان میں کورونا کیسزمیں کمی، ایک دن میں صرف 457کیسز رپورٹ

اسلام آباد : پاکستان میں کورونا کیسزمیں کمی ریکارڈ کی جارہی ہے ، ایک دن میں مزید 10 افراد جاں بحق اور 457کیسز رپورٹ ہوئے۔

تفصیلات کے مطابق نیشنل کمانڈ اینڈ آپریشن نے ملک میں کورونا وبا کی صورتحال کے تازہ اعدادو شمار جاری کردیئے ہیں ، جس میں بتایا گیا ہے کہ ملک میں 24 گھنٹے میں کورونا کے مزید 10 مریض انتقال کرگئے ، جس کے بعد کورونا وائرس سے مجموعی اموات کی تعداد 28ہزار466 ہوگئیں۔

این سی اوسی کا کہنا تھا کہ ملک میں 24 گھنٹوں کے دوران 39ہزار296 کورونا ٹیسٹ کیے گئے، جس میں سے 457 نئے کیسز سامنے آئے ، اس دوران کورونا ٹیسٹ مثبت نکلنے کی شرح 1.16 فیصد رہی۔

نیشنل کمانڈاینڈآپریشن سینٹر نے بتایا کہ ملک بھر میں کوروناسے متاثرہ ایک ہزار 234زیرعلاج مریض انتہائی نگہداشت میں ہیں جبکہ ملک بھر میں کورونا سے متاثر ہونے والوں کی مجموعی تعداد 12 لاکھ 74 ہزار 17 تک پہنچ گئی ہے۔

اعدادو شمار کے مطابق سندھ میں کورونا کیسز کی تعدادچار لاکھ 70 ہزار 421 ، پنجاب میں 4 لاکھ 40 ہزار 378 ،خیبرپختونخوا میں ایک لاکھ78 ہزار 135 اور بلوچستان میں 33 ہزار 267 ہے جبکہ اسلام آباد میں ایک لاکھ 6 ہزار 874، گلگت بلتستان میں 10 ہزار 390، اور آزاد کشمیر میں 34 ہزار 481کیسز سامنے آچکے ہیں۔

Comments

یہ بھی پڑھیں