اسلام آباد : پاکستان میں کورونا کے وار جاری ہے ، ایک دن میں مزید 9 اموات اور 732 کیسز رپورٹ ہوئے۔
تفصیلات کے مطابق پاکستان میں کورونا کے پھیلاؤ میں تیزی آنے لگی ، قومی ادارہ صحت نے کورونا صورتحال کے حوالے سے تازہ اعدادو شمار جاری کردیئے ہیں۔
جس میں بتایا گیا کہ ملک میں چوبیس گھنٹے کے دوران کورونا کے سات مریض انتقال کرگئے جبکہ اس دوران 22 ہزار پانچ سو اڑسٹھ ٹیسٹ کیے گئے، جس میں کورونا کے مزید سات سو بتیس کیسز رپورٹ ہوئے۔
این آئی ایچ کا کہنا تھا کہ ملک بھرمیں کورونا کیسز کی شرح تین اعشاریہ دو چارفیصد رہی جبکہ کورونا کے ایک سو اٹھاون مریض تشویشناک حالت میں زیر علاج ہیں۔
خیال رہے نیشنل کمانڈ اینڈ آپریشن سینٹر نے عید الاضحیٰ سے متعلق گائیڈ لائنز جاری کرتے ہوئے ہدایت کی ہے کہ کرونا کا پھیلاؤ روکنے کے لیے ہدایات پر عمل درآمد ناگزیر ہے، اور شہری عید الاضحیٰ کے دوران غیر ضروری سفر سے گریز کریں۔
تفصیلات کے مطابق این سی او سی نے بقر عید کے سلسلے میں گائیڈ لائنز جاری کرتے ہوئے ہدایت کی ہے کہ کرونا کا پھیلاؤ روکنے کے لیے ہدایات پر عمل درآمد ناگزیر ہے، اور شہری عید الاضحیٰ کے دوران غیر ضروری سفر سے گریز کریں۔
گائیڈ لائنز میں خبردار کیا گیا تھا کہ نماز عید کے دوران رش سے کرونا وائرس پھیل سکتا ہے، اس لیے نماز عید کی ادائیگی کھلے مقامات پر کی جائے، اور اس دوران کرونا ایس او پیز پر عمل درآمد کیا جائے۔
