The news is by your side.

Advertisement

پاکستان نے قندھار حملوں سے متعلق الزامات مسترد کر دیے

اسلام آباد: پاکستان نے قندھار حملوں سے متعلق الزامات مسترد کر دیے، ترجمان دفتر خارجہ کا کہنا ہے کہ قندھار حملوں سےمتعلق الزامات بے بنیاد ہیں۔

تفصیلات کے مطابق افغانستان میں قندھار حملوں سے متعلق پاکستان پر لگائے جانے والے الزامات کو دفترِ خارجہ نے بے بنیاد اور حقائق کے منافی قرار دیتے ہوئے مسترد کر دیا۔

الزام تراشی دونوں ملکوں میں تعاون کے متفقہ اصولوں کے خلاف ہے: دفترِ خارجہ

ترجمان دفترِ خارجہ کا کہنا ہے کہ حملوں کے ٹھوس ثبوت اور انٹیلی جنس معلومات فراہم نہیں کی گئیں، امن و استحکام کے لیے ایسے واقعات کی مشترکہ تحقیقات کی جا سکتی ہیں۔

دفترِ خارجہ کے ترجمان نے مزید کہا کہ بہتر ہوتا میڈیا میں الزام تراشی کی بجائے مناسب فورم استعمال کیا جاتا، الزام تراشی دونوں ملکوں میں تعاون کے متفقہ اصولوں کے خلاف ہے۔

خیال رہے کہ قندھار میں ہونے والے حملے کے سلسلے میں افغانستان کی جانب سے کہا گیا تھا کہ قاتل سیکورٹی گارڈ کے پاکستان میں رابطے تھے۔


یہ بھی پڑھیں:  افغانستان، دہشت گرد حملے میں‌ پولیس چیف ہلاک، امریکی جنرل محفوظ رہے


واضح رہے کہ 18 اکتوبر کو افغان صوبے قندھار کے گورنر ہاؤس میں ہونے والے دہشت گرد حملے میں جنرل مومن اور قندھار پولیس چیف جنرل عبد الرزاق ہلاک جب کہ گورنر قندھار زلمے شدید زخمی ہو گئے تھے۔

Comments

comments

یہ بھی پڑھیں