اسلام آباد : پاکستان میں کورونا کے پھیلاؤ میں تیزی آنے لگی ، ایک دن میں کورونا سے 2 اموات اور 390 کیسز رپورٹ ہوئے۔
تفصیلات کے مطابق قومی ادارہ صحت نے ملک میں کورونا صورتحال کے حوالے سے تازہ اعدادو شمار جاری کردیئے ہیں۔
جس میں بتایا گیا کہ گزشتہ 24گھنٹے کے دوران ملک بھر میں 17 ہزار 397 کورونا ٹیسٹ کئے گئے، جس میں سے 390 کورونا کیسز سامنے آئے۔
- Advertisement -
این آئی ایچ کا کہنا ہے کہ 24گھنٹے کے دوران ملک میں 2 کورونامریض انتقال کرگئے ، کوروناسے جاں بحق مریض سندھ کےاسپتالوں میں زیرعلاج تھے۔
24 گھنٹے کے دوران ملک میں کورونا کیسزکی شرح 2.24فیصد رہی جبکہ کورونا کے زیرعلاج 175مریضوں کی حالت تشویشناک ہے۔
ذرائع نے بتایا کہ 24 گھنٹے میں کورونا کی بلند ترین 3.91 فیصد شرح پنجاب میں ریکارڈ کی گئی جبکہ کے پی میں کورونا کی یومیہ شرح 0.48، سندھ میں1.04 فیصد رہی۔
