اسلام آباد : ایران کی جانب سے پاکستانی فضائی حدود کی خلاف ورزی کرنے پر پاکستانی دفتر خارجہ نے شدید الفاظ میں مذمت کی ہے۔
اس حوالے سے ترجمان دفترخارجہ نے ایک بیان جاری کیا ہے جس میں کہا گیا ہے کہ ایران نے پاکستانی فضائی حدود کی بلااشتعال خلاف ورزی کی ہے۔
ترجمان دفتر خارجہ نے کہا کہ ایرانی حملے میں 2 بچے جاں بحق اور 3 بچیاں زخمی ہوئیں، پاکستان کی خودمختاری کی یہ خلاف ورزی مکمل طور پر ناقابل قبول ہے۔
: PR NO. 1️⃣5️⃣/2️⃣0️⃣2️⃣4️⃣
Pakistan’s Strong Condemnation of the Unprovoked Violation of its Air Space
⬇️https://t.co/TAWRqC7qMy pic.twitter.com/oqi3tvAOso
— Spokesperson MoFA (@ForeignOfficePk) January 16, 2024
ترجمان کے مطابق ایرانی ناظم الامور کو وزارت خارجہ میں طلب کرکے احتجاج کیا گیا ہے، فضائی حدود کی خلاف ورزی کے سنگین نتائج نکل سکتے ہیں۔
انہوں نے کہا کہ دونوں ملکوں کے درمیان روابط کے متعدد چینلز کے باوجود یہ واقعہ ہونا تشویشناک ہے، پاکستان پہلے ہی تہران میں ایرانی وزارت خارجہ کے پاس اپنا احتجاج ریکارڈ کرا چکا ہے۔
