اسلام آباد : وزارت خزانہ نے متحدہ عرب امارات کے تین بینکوں سے ایک ارب ڈالر کمرشل قرض باضابطہ درخواست کردی ہے۔
تفصیلات کے مطابق ذرائع وزارت خزانہ کی جانب سے بیان میں کہا گیا ہے کہ حکومت 30 جون تک کمرشل بینکوں سے مزید ایک ارب ڈالر کا قرضہ لے گی، مزید ایک ارب ڈالر قرض کا مقصد اسٹیٹ بینک کے زرمبادلہ کو ذخائر مستحکم بنانا ہے۔
ذرائع کا کہنا تھا کہ آئی ایم ایف نے 30 جون تک اسٹیٹ بینک کے زرمبادلہ کے ذخائر 13.9 ارب تک پہنچانے کا ہدف دے رکھا ہے۔
ذرائع نے کہا کہ آئی ایم ایف کی ایک اور شرط پوری کرنے کیلئے حکومت پاکستان نے متحدہ عرب امارات کے بینکوں سے رابطہ کیا اور وزارت خزانہ نے متحدہ عرب امارات کے تین بینکوں سے ایک ارب ڈالر کمرشل قرض باضابطہ درخواست کردی ہے۔
ذرائع نے مزید بتایا کہ شارجہ اسلامک بینک، ابو ظہبی اسلامک بینک اور عجمان بینک سے 1 ارب ڈالر کی درخواست کی گئی ہے۔
مزید پڑھیں : پاکستان کو آئی ایم ایف سے قرض پروگرام کی دوسری قسط موصول
اس سلسلے میں وزیر خزانہ محمد اورنگزیب کی کمرشل بینکوں کے ساتھ ورچوئل میٹنگ ہوئی، ورچوئل میٹنگ کا مقصد اسٹینڈڑ چارٹرڈ اور دبئی اسلامک بینک کو 1 ارب ڈالر فنانسنگ کا مینڈیٹ دینا تھا۔
وزیرخزانہ ورچوئلی میٹنگ کے دوران بینکوں آئی ایم ایف کے 30 جون تک زرمبادلہ کے ذخائر سے آگاہ کیا۔
وزیر خزانہ کا کا کہنا تھا کہ حکومت پاکستان 30 جون تک 14 ارب ڈالر کے اسٹیٹ بینک زرمبادلہ ذخائر کے قریب ہے،اسٹیٹ بینک کے 14 ارب ڈالر کے خالص زرمبادلہ ذخائرتین ماہ کی درآمدات کے لیے کافی ہوں۔
