اسلام آباد : پاکستان نے آئی ایم ایف کے ساتھ نئے قرض پروگرام کیلئے اہداف طے کر لئے گئے، موجودہ قرض پروگرام ختم ہونے کیساتھ آئی ایم ایف سے نیا قرض معاہدہ سائن ہو گا۔
تفصیلات کے مطابق عالمی مالیاتی فنڈ (آئی ایم ایف) کے ساتھ نئے قرض پروگرام کیلئے وزارت خزانہ کے ابتدائی خدوخال تیار کرلئے۔
ذرائع وزارت خزانہ نے بتایا کہ ایف بی آرٹیکس جی ٹو جی ڈی پی 15 فیصد تک بڑھانے کاہدف ہوگا جبکہ مرکزی بینک کے پاس زرمبادلہ ذخائر 3 ماہ امپورٹ بل کےبرابر رکھنے کا ہدف رکھا ہے۔
وزارت خزانہ کا کہنا تھا کہ کرنٹ اکاؤنٹ خسارہ میں کمی، پرائمری بیلنس سرپلس رکھنے کا ہدف بھی طے کر لیا اور آئندہ بجٹ میں سبسڈی کا تعین بھی نئے قرض پروگرام کی شرط کے مطابق ہوگا۔
ذرائع کے مطابق نگران حکومت نے نئی حکومت کیلئے معاشی روڈ میپ اور قرض پروگرام کیلئے ورکنگ تیار کی ہے، موجودہ قرض پروگرام ختم ہونے کیساتھ آئی ایم ایف سے نیا قرض معاہدہ سائن ہو گا۔
وزارت خزانہ نے مزید کہا کہ قرض معاہدے سے قبل آئی ایم ایف کو شرائط پر عملدرآمد کیلئے یقین دہانی کرائی جائے گی۔
