کراچی کے ساؤتھ اینڈ کلب میں کھیلے گئے پاک سری لنکا ٹی20 سیریز کے آخری میچ میں پاکستان ویمنز نے سری لنکا کو 6 وکٹوں سے شکست دے کر کلین سوئپ کردیا۔
تفصیلات کے مطابق پاکستان ویمنز ٹیم نے آخری ٹی 20 میچ میں سری لنکا کی جانب سے دیا جانے والا 108 رنز کا ہدف آخری گیند پر 6 وکٹوں کے نقصان پر حاصل کرلیا۔
Winners are grinners ✌️
Scenes after the 3-0 win 🤩🏆#PAKWvSLW | #BackOurGirls pic.twitter.com/esyAATvgGS
— Pakistan Cricket (@TheRealPCB) May 28, 2022
مہمان ٹیم نے پہلے بیٹنگ کرتے ہوئے 20 اوورز میں 8 وکٹ پر 107 رنزبنائے، کپتان چماری اتاپتو 37 اور ہسینی پریرا 24 رنز بناکر نمایاں رہیں۔
پاکستان کی جانب سے ندا ڈار، کائنات امتیاز اور طوبیٰ حسن نے 1،1 وکٹ حاصل کی، پاکستان ویمنز ٹیم نے ہدف آخری گیند پر 6 وکٹ پر حاصل کرلیا۔
منیبہ علی 25 رنز بناکر نمایاں رہیں، عالیہ ریاض نے 17 رنز بنائے، بسمہ معروف نے ناٹ آؤٹ 15 رنز اسکور کیے۔
Nerves of steel 🦸♀️
Captain @maroof_bismah leads from the front 🌟#PAKWvSLW | #BackOurGirls pic.twitter.com/nCMyAwpvVW
— Pakistan Cricket (@TheRealPCB) May 28, 2022
سری لنکا ویمنز کی جانب سے اوشاڈا راناسنگھے نے 3 اور کویشا دلہاری نے 2 وکٹیں حاصل کیں
۔
کپتان بسمہ معروف کو پلیئر آف دی میچ اور طوبیٰ حسن کو سیریز کی بہترین کھلاڑی قرار دیا گیا۔
