اسرئیل اور ایران کے درمیان حالیہ جنگ کے بعد پاکستانی وزیراعظم شہبازشریف اور ایرانی صدر مسعود پیزشکیان کے درمیان ٹیلی فونک رابطہ ہوا۔
تفصیلات کے مطابق وزیراعظم شہبازشریف نے ایران پر اسرائیلی حملوں کی شدید مذمت کی اور کہا کہ پاکستان اسرائیل کی بلااشتعال جارحیت پر ایران کے ساتھ کھڑا ہے، پاکستان حکومت ایران اور برادر عوام کے ساتھ کھڑی ہے، شہبازشریف نے عالمی برادری اور اقوام متحدہ پر فوری اقدامات پرزور دیا۔
وزیراعظم شہبازشریف نے کہا کہ اسرائیلی حملے خودمختاری اور علاقائی سالمیت کی خلاف ورزی ہیں، اسرائیلی حملے یواین چارٹر، عالمی قوانین کی خلاف ورزی ہیں۔
انھوں نے کہا کہ ایران ک ویواین آرٹیکل 51 کے تحت اپنے دفاع کا حق حاصل ہے، وزیراعظم کا قیمتی جانوں کے ضیاع پر صدر مسعود پیزشکیان سے دلی تعزیت کا بھی اظہار کیا۔
وزیراعظم نے سلامتی کونسل اجلاس میں ایران کیلئے پاکستان کی حمایت کا ذکر کیا، شہباز شریف نے اسرائیلی اشتعال انگیزی کوعلاقائی اور عالمی امن کیلئے سنگین خطرہ قرار دیا انھوں نے اسرائیل کی بہادر فلسطینیوں کےخلاف ظالمانہ نسل کشی کی کارروائیوں کی بھی مذمت کی۔
شہباز شریف نے کہا کہ پاکستان خطے میں امن کے فروغ کے لیے پوری طرح پُرعزم ہے، پاکستان امن کے فروغ میں اپنا کردار ادا کرنے کےلیے تیار ہے۔
ایرانی صدر مسعود پیزشکیان نے مشکل وقت میں پاکستان کی حمایت پر شکریہ ادا کیا، ایرانی صدر نے کہا کہ حمایت پاکستان، ایران کے قریبی اور برادرانہ تعلقات کی عکاس ہے۔
مسعود نے وزیراعظم کو بحران پر ایران کے نقطہ نظر سے آگاہ کیا، ایرانی صدر نے کہا عالمی برادری اور اسلامی ممالک خطرات کا مقابلہ کرنے کیلئے ملکر کام کریں، وزیراعظم اور ایرانی صدر نے قریبی رابطے میں رہنے پر اتفاق کیا۔
اسرائیلی فوج کو آج رات ایرانی میزائل حملوں کا خدشہ، شہریوں کو خبردار کردیا
