کراچی : پاکستان اسٹاک مارکیٹ میں شدید مندی کے باعث 100 انڈیکس میں 957 پوائنٹس کی کمی کے بعد انڈیکس 42 ہزار کی نفسیاتی حد سے نیچے آگیا۔
تفصیلات کے مطابق کاروباری ہفتے کے پہلے روز مارکیٹ کھلتے کچھ منٹوں میں 100 انڈیکس میں 748 پوائنٹس تک کی کمی دیکھی گئی اور انڈیکس 42 ہزار 348 پوائنٹس تک نیچے گرگیا۔
ٹریڈنگ کے دوران 100انڈیکس 957 پوائنٹس کی کمی ہوئی ، جس کے بعد 100انڈیکس 42 ہزار کی نفسیاتی حد سے نیچے آگیا۔
پاکستان اسٹاک ایکسچینج 100 انڈیکس کی 41 ہزار 979 پوائنٹس پر ٹریڈنگ جاری ہے۔
ماہرین کا کہنا ہے کہ جمعہ کے روز اسٹیٹ بینک نے غیر متوقع شرح سود میں سو بیسسز پوائنٹس کا اضافہ کیا تھا، جس کا اثر آج مارکیٹ میں دیکھا جا رہا ہے۔
ماہرین نے کہا کہ دوسری جانب ملک میں بڑھتے ہوئے معاشی اور سیاسی عدم استحکام بھی سرمایہ دار پریشان ہیں اور اپنے شیئر مارکیٹ میں فروخت کر رہے ہیں۔
