کراچی : پاکستان اسٹاک مارکیٹ چھ سال کی بلند ترین سطح پر پہنچ گئی اور100انڈیکس 49 ہزار کی حدعبور کر گیا۔
تفصیلات کے مطابق پاکستان اسٹاک مارکیٹ میں کاروباری ہفتے کے چوتھے روز بھی مثبت رحجان برقرار ہے۔
کاروبار کے آغاز پر آج بھی تیزی ریکارڈ کی گئی اور 100انڈیکس 570 پوائنٹس اضافے کیساتھ 49 ہزارکی نفسیاتی حد عبور کرگیا۔
100انڈیکس چار سو پینسٹھ پوائنٹس اضافہ کے ساتھ 49 ہزار335 پوائنٹس پر ٹریڈ کررہا ہے۔
اسٹاک مارکیٹ میں 6 سال بعد 49 ہزار کی نفسیاتی حد بحال ہوئی ، 8 جون 2017 کو اسٹاک مارکیٹ 49 ہزار کی سطح پر تھی۔
آئی ایم ایف معاہدے کے بعد تیزی کا تسلسل جاری ہے اور 5ہفتوں میں اسٹاک مارکیٹ 41 ہزار سے 49 ہزار کی سطح عبور کرگئی۔
جولائی میں پاکستان اسٹاک ایکسچینج نے بہترین اسٹاک کا بھی اعزاز حاصل کیا، اسٹاک بروکرکا کہنا ہے کہ امید ہے اسٹاک مارکیٹ جلد 50 ہزار کی سطح بھی عبور کر جائے گا۔
ماہرین کے مطابق اسٹاک مارکیٹ میں اضافہ کی وجہ پاکستان کا آئی ایم ایف سے معاہدہ ہے، جس سے حصص بازار پر سرمایہ داروں کا اعتماد بحال ہوا ہے جبکہ بڑے انسٹی ٹیوشن کی جانب سے بھی حصص کی خریداری دیکھی جا رہی ہے۔
