کراچی: پاکستان اسٹاک ایکسچینج میں ہونے والے کاروباری لین دین کے حوالے سے ہفتہ وار اپ ڈیٹ جاری کردی گئی ہے۔
تفصیلات کے مطابق پاکستان اسٹاک ایکسچینج میں کاروبار کا مثبت رجحان جاری ہے، ایکسچینج میں کاروباری ہفتہ ریکارڈ سازرہا، 100 انڈیکس 2952 پوائنٹس اضافے سے 76706 پر بند ہوا، کاروباری ہفتے میں انڈیکس 4846 پوائنٹس کے بینڈ میں رہا۔
اسٹاک ایکسچینج میں انڈیکس کی ہفتہ وار کم ترین سطح 72464 رہی جبکہ انڈیکس کی ہفتہ وار بلند ترین سطح 77310 رہی۔
- Advertisement -
ایک ہفتے ک دوران 2 ارب 4 کروڑ شیئرز کا کاروبار ہوا، ہفتے بھر میں جن شیئرز کا کاروبار ہوا ان کی مالیت 84 ارب 48 کروڑ روپے رہی۔
مارکیٹ کیپٹلائزیشن ایک ہفتے میں 274 ارب روپے بڑھی ہے، کاروباری ہفتے کے اختتام پر مارکیٹ کیپٹلائزیشن 10178 ارب روپے ہے۔
