The news is by your side.

Advertisement

پاکستان اسٹاک مارکیٹ: 100 انڈیکس میں 200 سے زائد پوائنٹس کا اضافہ

کراچی: پاکستان اسٹاک ایکسچینج میں کاروبار میں تیزی دیکھی گئی، 100 انڈیکس 200 سے زائد پوائنٹس کے اضافے کے بعد 44 ہزار 166 پوائنٹس پر بند ہوا۔

تفصیلات کے مطابق ہفتے کے تیسرے کاروباری روز بدھ کو پاکستان اسٹاک مارکیٹ میں تیزی دیکھی گئی، دن کے آغاز پر 100 انڈیکس میں 179 پوائنٹس کا اضافہ ہوا جس کے بعد انڈیکس 44 ہزار 108 پوائنٹس پر پہنچ گیا۔

دن کے وسط تک بڑھنے والے پوائنٹس کی تعداد 407 ہوگئی اور 100 انڈیکس 44 ہزار 335 پوائنٹس پر ٹریڈ کرنے لگا۔

دن کے اختتام تک 100 انڈیکس مجموعی طور پر 238 پوائنٹس اضافے کے ساتھ 44 ہزار 166 پوائنٹس پر بند ہوا۔

خیال رہے کہ گزشتہ ہفتے اسٹاک مارکیٹ میں مندی دیکھی گئی تھی۔

گزشتہ ہفتے کے آخری کاروباری روز جمعہ یکم اپریل کو پاکستان اسٹاک مارکیٹ میں 65 پوائنٹس کی کمی ہوئی جس کے بعد انڈیکس 44 ہزار 863 پوائنٹس پر پہنچ گیا تھا۔

Comments

یہ بھی پڑھیں