The news is by your side.

Advertisement

پاکستان اسٹاک مارکیٹ کی اونچی اڑان

کراچی: پاکستان اسٹاک ایکسچینج میں کاروبار میں تیزی دیکھی گئی، 100 انڈیکس 500 سے زائد پوائنٹس کے اضافے کے بعد 44 ہزار 438 پوائنٹس پر بند ہوا۔

تفصیلات کے مطابق ہفتے کے دوسرے کاروباری روز منگل کو پاکستان اسٹاک مارکیٹ میں تیزی دیکھی گئی، دن کے آغاز پر 100 انڈیکس میں 384 پوائنٹس کا اضافہ ہوا جس کے بعد انڈیکس 44 ہزار 317 پوائنٹس پر پہنچ گیا۔

دن کے وسط تک بڑھنے والے پوائنٹس کی تعداد 452 ہوگئی اور 100 انڈیکس 44 ہزار 386 پوائنٹس پر ٹریڈ کرنے لگا۔

دن کے اختتام تک 100 انڈیکس 505 پوائنٹس اضافے کے ساتھ 44 ہزار 438 پوائنٹس پر بند ہوا۔

خیال رہے کہ گزشتہ ہفتے بھی اسٹاک مارکیٹ میں تیزی دیکھی گئی تھی۔

21 سے 25 مارچ کے دوران 100 انڈیکس میں 521 پوائنٹس کا اضافہ ہوا تھا جس کے بعد انڈیکس 1.12 فیصد اضافے کے ساتھ 43 ہزار 551 پوائنٹس پر بند ہوا تھا۔

Comments

یہ بھی پڑھیں