کراچی: پاکستان اسٹاک مارکیٹ میں زبردست تیزی دیکھی گئی اور تاریخ میں دوسری بار انڈیکس نے 51 ہزار کی نفسیاتی حد عبور کرگیا۔

تفصیلات کے مطابق پاکستان اسٹاک مارکیٹ میں تیزی کا رجحان برقرار ہے ، کاروباری ہفتے کے پہلے روز آغاز پر ہی 600 سے زائد پوائنٹس کا اضافہ ریکارڈ کیا گیا، جس کے بعد ہنڈرڈ انڈیکس 51 ہزارکی نفسیاتی حد عبور کرکے اکیاون ہزار 216 پوائنٹس پر پہنچ گیا۔

اس سے قبل ہنڈرڈ انڈیکس پہلی بار 30 مئی 2017 کو نوازشریف کے دور حکومت میں 51 ہزار کی سطح پر ٹریڈ کر رہا تھا اور انڈیکس نے آج دوسری بار 51 ہزار کی نفسیاتی حد عبورکی ہے۔

ماہرین کا کہنا ہے کہ سرمایہ کاروں کاملکی معاشی پالیسیوں پراعتماد ہے، جس کی وجہ سے مارکیٹ میں اضافہ دیکھا جا رہا ہے، اسٹیٹ بینک بھی تیس اکتوبر کو شرح سود میں کمی کر سکتا ہے۔