کراچی: پاکستان اسٹاک مارکیٹ تاریخ کی بلند ترین سطح پر ہے، 899 پوائنٹس کا اضافہ ہوا ہے۔
تفصیلات کے مطابق پاکستان اسٹاک مارکیٹ میں کاروبار کے آغاز سے ہی تیزی دیکھی جا رہی ہے، دوران کاروبار 100 انڈیکس ایک لاکھ 19 ہزار کی حد عبور کر گیا ہے۔
925 پوائنٹس اضافے کے ساتھ انڈیکس تاریخ کی بلند ترین سطح ایک لاکھ 18 ہزار 899 پوائنٹس پر ٹریڈ کر رہا ہے۔ دوران کاروبار انڈیکس میں 1447 پوائنٹس تک کا اضافہ دیکھا گیا۔
ماہرین کا کہنا ہے کہ بڑے ادارے حصص کی خریداری کر رہے ہیں، جس سے مارکیٹ میں تیزی دیکھی جا رہی ہے۔
پاکستان میں سونے کی قیمت تاریخ کی نئی بلند ترین سطح پر پہنچ گئی
ادھر وزیر اعظم میاں شہباز شریف نے اسٹاک ایکسچینج پہلی بار 1 لاکھ 19 ہزار پوائنٹس عبور کرنے پر اظہار اطمینان کیا ہے، انھوں نے کہا اسٹاک ایکسچینج میں کاروبار کی مثبت سمت حکومتی معاشی پالیسیوں پر اعتماد کا اظہار ہے۔
شہباز شریف کا کہنا تھا کہ بہتر معاشی اعشاریے اور کاروباری ماحول معاشی پالیسیوں کی وجہ سے ممکن ہوا ہے، حکومت کاروبار اور سرمایہ کاری کے لیے تمام سہولتیں فراہم کر رہی ہے۔
