کراچی: پاکستان اسٹاک ایکسچینج تاریخ کی بلند ترین سطح پر ہے، انڈیکس میں 802 پوائنٹس کا اضافہ ہو گیا ہے۔
تفصیلات کے مطابق رواں کاروباری ہفتے میں پاکستان اسٹاک مارکیٹ میں تیزی کا رجحان برقرار ہے، بینچ مارک 100 انڈیکس دوران کاروبار ایک لاکھ 18 ہزار کی نفسیاتی حد عبور کر گیا۔
انڈیکس آٹھ سو دو پوائنٹس اضافے کے ساتھ تاریخ کی بلند ترین سطح ایک لاکھ 17 ہزار 810 پر ٹریڈ کر رہا ہے۔ دوران کاروبار 13 سو 56 پوائنٹس تک اضافہ دیکھا گیا۔
- Advertisement -
ماہرین کا کہنا ہے کہ سرمایہ کاروں کا حکومتی پالیسیوں پر اعتماد ہے جس کی وجہ سے مارکیٹ میں تیزی دیکھی جا رہی ہے۔ دو دن قبل مارکیٹ میں ملا جلا رجحان تھا جس میں سرمایہ کار اور بڑے ادارے منافع کمانے والے حصص فروخت کر رہے تھے، ماہرین کے مطابق ملکی معیشت بہتری کی سمت میں گامزن ہے اور تمام معاشی اشاریے مثبت ہیں۔
