کراچی : ملک میں معاشی بحران کے باعث پاکستان اسٹاک ایکس چینج شدید مندی ریکارڈ کی گئی اور 100 انڈیکس 1784 پوائنٹس گر کر 45 ہزارکی نفسیاتی حد سے نیچے آگیا۔
تفصیلات کے مطابق پاکستان اسٹاک مارکیٹ آج بھی شدید مندی کی لپیٹ میں رہی، کاروباری ہفتے کے تیسرے روز ہنڈریڈ انڈیکس 1784 پوائنٹس تک کی کمی دیکھی گئی اور انڈیکس چھیالیس ہزار کے بعد 45 ہزار کی نفسیاتی حد سے بھی نیچے گرگیا۔
مارکیٹ کے اختتام پر نڈیکس میں 1242 پوائنٹس کی کمی کے بعد پینتالیس ہزاردو پوائنٹس پربند ہوا۔
ماہرین کا کہنا ہے شرح سود میں دو سے تین فیصد اضافہ کی بھی خبریں زیر گردش ہیں اور سرمایہ کار ملک میں معاشی بحران سے پریشان ہیں اور ساتھ ہی عام انتخابات میں تاخیر کی خبریں بھی سرمایہ کاروں میں مایوسیاں پھیلا رہی ہیں۔
یاد رہے رواں ماہ کے آغاز میں پاکستان اسٹاک مارکیٹ چھ سال کی بلند ترین سطح پر پہنچ گئی اور100انڈیکس 49 ہزار کی حدعبور کر گیا تھا ، 8 جون 2017 کو اسٹاک مارکیٹ 49 ہزار کی سطح پر تھی۔
