پاکستان اسٹاک ایکسچینج میں ٹریڈنگ کے دوران کاروبار نئی بلندیوں تک پہنچ گیا۔
سرمایہ کاروں کا اعتماد بحال ہونے کے بعد سے اسٹاک مارکیٹ میں تیزی کا سفر جاری ہے اور جمعہ کو بھی مثبت رجحان دیکھا گیا۔ 100انڈیکس نے نئی بلندترین سطح 72 ہزار 862 پوائنٹس قائم کر لی۔
100انڈیکس 771 پوائنٹس کے اضافے سے 72 ہزار742 پوائنٹس پر بند ہوا۔ دن بھر مجموعی طور پر 375 کمپنیوں کے شیئرز میں کاروبارہوا۔
- Advertisement -
ان میں 175 کمپنیوں کے شیئرز کی قیمتوں میں اضافہ ہوا جب کہ 175 کے شیئرز میں کمی ہوئی۔ مارکیٹ میں 53کروڑ 37 لاکھ سے زائد شیئرز کی لین دین ہوئی۔
اسٹاک مارکیٹ میں 22 ارب 31 کروڑ سے زائد مالیت کے شیئرز کے سودے ہوئے۔ مارکیٹ کی بلندترین سطح 72,862 اور کم ترین سطح 71,764 پوائنٹس رہی۔
