اسلام آباد: پاکستان اسٹریٹ چائلڈ فٹبال ٹیم کا ’’ناروے کپ‘‘ کیلئے اسلام آباد اسپورٹس کمپلیکس میں پریکٹس سیشن جاری ہے۔
اے آر وائی نیوز کے مطابق پاکستان اسٹریٹ چائلڈ فٹبال ٹیم کا ناروے کپ کیلئے تربیتی کیمپ جاری ہے، چائلڈ فٹبال ٹیم اسپورٹس کمپلیکس اسلام آباد میں پریکٹس کررہے ہیں۔
قومی اسٹریٹ چائلڈ فٹبال ٹیم 27 جولائی کو ناروے کیلئے روانہ ہوگی، پاکستان اسٹریٹ چائلڈ فٹبال ٹیم کا 20 رکنی اسکواڈ ناروے ایونٹ کا حصہ بنے گا۔
واضح رہے کہ 30 ممالک سے اسٹریٹ چائلڈ ٹیمیں ایونٹ میں حصہ لیں گی، ناروے کپ 29 جولائی سے اوسلو میں شروع ہوگا۔
یاد رہے کہ قومی ٹیم نے ناروےکپ 2015 میں دوسری اور 2016 میں تیسری پوزیشن حاصل کی تھی۔
