The news is by your side.

Advertisement

سیزفائر کی خلاف ورزی پر بھارتی ڈپٹی ہائی کمشنر کی دفتر خارجہ طلبی

اسلام آباد: پاکستان نے 22 اور 23جولائی بھارتی فوج کی جانب سے سیز فائر کی خلاف ورزی پر بھارتی ڈپٹی ہائی کمشنر کو طلب کر کے شدید احتجاج کیا۔

تفصیلات کے مطابق ترجمان دفتر خارجہ کا کہنا ہے کہ ایل اوسی پر جنگ بندی کی بلااشتعال خلاف ورزی پر بھارتی ڈپٹی ہائی کمشنر کو طلب کرکے بھارت سے شدید احتجاج کیا گیا۔

ترجمان کے مطابق گورو اہلووالیا کو ڈی جی جنوبی ایشیا ڈاکٹر محمد فیصل نے طلب کیا، بھارت کی طرف سے 22 اور 23جولائی کو ایل اوسی کے باگسر سیکٹر پر جنگ بندی کی خلاف ورزی کی گئی۔

بھارتی فوج کی بلااشتعال فائرنگ سے خاتون اور12 سالہ لڑکاشہید اور 4شہری زخمی بھی ہوئے۔

مزید پڑھیں : راولاکوٹ، بھارتی فوج کی گولہ باری، خاتون شہید، بزرگ شہری زخمی

یاد رہے گذشتہ روز بھارتی فوج نے لائن آف کنٹرول کے گوئی سیکٹر پر بلااشتعال فائرنگ اور گولہ باری کے نتیجے میں ایک خاتون جان بیگم شہید ہوگئیں جبکہ تتہ پانی سیکٹر پر بھی شہری آبادی کو نشانہ بنایا گیا ، بھارتی فوج کی فائرنگ سے سہڑہ گاؤں کے رہائشی 60 سالہ سردارنسیم زخمی ہوا۔

واضح رہے کہ اس سے قبل لائن آف کنٹرول پر بھارتی فورسز نے بلااشتعال گولہ باری کی تھی، جس کے نتیجے میں پاک فوج کے ایک جوان نے جام شہادت نوش کیا تھا۔

Comments

یہ بھی پڑھیں