ابوظہبی: قومی ٹیم کے لیگ اسپنریاسر شاہ پریکٹس سیشن کے دوران انجری کا شکار ہوگئے ،قومی کرکٹر کی انگلینڈ کیخلاف کل سے شروع ہونے والے میچ میں شرکت بھی مشکوک ہوگی۔
سیریز سے قبل سے انگلینڈ ٹیم کیلئے خوف کی علامت سمجھے جانے والے لیگ سپنر یاسر شاہ پریکٹس سیشن میں باؤلنگ میں مصروف تھے کہ اچانک کمر میں شدید درد محسوس کرنے کے باعث واپس پویلین لوٹ گئے۔
یاسر شاہ انگلینڈ کے خلاف کل سے شروع ہونے والے ٹیسٹ میچ کا حصہ ہوں گے یا نہیں اس کا فیصلہ بعد میں کیا جائے گا ،قومی ٹیسٹ ٹیم کے کپتان مصباح الحق کے مطابق یاسر شاہ کو پہلے ٹیسٹ میں کھلانے یا نہ کھلانے کا فیصلہ میچ سے قبل ہی کیا جائے گا۔
دونوں ٹیموں کے درمیان ٹیسٹ سیریز کا پہلا میچ کل سے ابوظہبی کے شیخ زید انٹرنیشنل اسٹیڈیم میں کھیلا جائے گا۔
