برسبین: آئی سی سی ٹی ٹوئنٹی ورلڈ کپ کے لیے قومی ٹیم کے مینٹور میتھیو ہیڈن نے شاہین شاہ آفریدی کو ایک نام دے دیا ہے۔
پاکستان کرکٹ بورڈ (پی سی بی) کی جانب سے ٹوئٹر پر شیئر کی گئی ویڈیو میں دیکھا جا سکتا ہے کہ گابا میں نیٹ پریکٹس سیشن کے دوران قومی اسکواڈ کے ہمراہ میتھیو ہیڈن بھی موجود ہیں۔
ویڈیو میں دیکھا جا سکتا ہے کہ میتھیو ہیڈن نے بتایا کہ اگلا سیشن فاسٹ بولر کا ہوگا، جہاں ٹیم کے بولرز شاہین شاہ، وسیم جونیئر، حارث رؤف، نسیم شاہ اور دھانی پریکٹس کرتے نظر آ رہے ہیں۔
A peek into Pakistan team's nets with 🇵🇰 mentor Matthew Hayden 🏏#T20WorldCup | #WeHaveWeWill pic.twitter.com/Z3J47MZ53B
— Pakistan Cricket (@TheRealPCB) October 19, 2022
پریکٹس سیشن کے دوران قومی ٹیم کے مینٹور نے گفتگو کرنے کے لیے شاہین شاہ کو پکارا، میتھیو ہیڈن نے فاسٹ بولر سے پوچھا کہ میں آپ کو کس نام سے بلاتا ہوںِ جس پر شاہین شاہ نے کہا کہ ’پریمیئم‘ کے نام سے۔
میتھیو ہیڈن نے کہا کہ شاہین شاہ بہترین بولر ہے، اس لیے میں نے انہیں پریمیئم کا نام دیا ہے، شان ٹیٹ کے ساتھ مل کر شاہین بہترین کام کر رہے ہیں۔
ویڈیو میں دیکھا جاسکتا ہے کہ قومی ٹیم کے مینٹور نے اسکواڈ کے دیگر کھلاڑیوں کے ساتھ گفتگو بھی کی۔