پاکستان اور ویسٹ انڈیز کے درمیان ہونے والی ٹیسٹ سیریز کے دوسرے میچ سے قبل پاکستانی کرکٹ ٹیم آج ملتان کرکٹ اسٹیڈیم میں ٹریننگ سیشن میں حصہ لے گی۔
ذرائع کے مطابق پاکستان کرکٹ ٹیم آج صبح 10 بجے سے ٹریننگ سیشن میں حصہ لے گی جبکہ ویسٹ انڈیزکرکٹ ٹیم آج آرام کرے گی۔
واضح رہے کہ پہلے ٹیسٹ میں پاکستان نے ویسٹ انڈیز کو 127 رنز سے شکست دیکر دو میچوں کی سیزیز میں ایک صفر کی سبقت حاصل کر لی ہے۔
ملتان کرکٹ اسٹیڈیم میں کھیلے جانے والے میچ میں پاکستان نے ویسٹ انڈیز کو پہلے ٹیسٹ میں 127 رنز سے شکست دے دی تھی۔
251 رنز کے جواب میں ویسٹ انڈیز ٹیم کی پوری ٹیم 123رنز ڈھیر ہوگئی تھی، پاکستانی اسپنر ساجد خان نے شاندار بولنگ کراتے ہوئے میچ میں 9 وکٹیں حاصل کی تھیں۔
اس کے علاوہ ابرار احمد نے 4، نعمان علی نے ایک وکٹ حاصل کی، ویسٹ انڈیز کے ایلک اتھانز 55 رنز بنا کر ٹاپ اسکورر رہے، دوسری اننگز میں کپتان شان مسعود 52 رنز بنا کر نمایاں رہے تھے، پہلی اننگز میں سعود شکیل نے 84، محمد رضوان نے 71 رنز کی اننگز کھیلی تھی۔
ویسٹ انڈیز کی ٹیم پہلی اننگز میں 137 رنز بنا کر آؤٹ ہوئی تھی، پاکستان کی جانب سے اسپنر نعمان علی نے پانچ کھلاڑیوں کو پویلین کی راہ دکھائی تھی، ساجد خان نے چار اور ابرار احمد نے ایک کھلاڑی کو آؤٹ کیا تھا۔
بابر اعظم اور شاہد آفریدی میں زیادہ مقبول کون؟ سابق کپتان نے بتادیا
جبکہ پاکستانی ٹیم دوسری اننگز میں 157 رنز پر آؤٹ ہوگئی تھی، پاکستان نے ملتان ٹیسٹ کے تیسرے روز اپنی دوسری اننگز کا آغاز 3 وکٹ کے نقصان پر 109 رنز سے کیا تھا، پہلی اننگز میں پاکستان کو 93 رنز کی برتری حاصل ہوئی تھی۔
