پاکستان تحریک انصاف کا پروپیگنڈا بےنقاب ہوگیا، پی ٹی آئی نے جام امان نامی نوجوان کے ڈی چوک پر قتل ہونے کا جھوٹا پروپیگنڈا کیا۔
تفصیلات کے مطابق پی ٹی آئی نے سوشل میڈیا پر دعویٰ کیا تھا کہ جام امان نامی نوجوان کا تعلق خان پور سے ہے، احتجاج میں کریک ڈاؤن کے بعد تحریک انصاف کی جانب سے سوشل میڈیا پر جام امان کے قتل کی جھوٹی خبریں پھیلائی گئیں۔
جام امان نامی نوجوان خان پورکا رہائشی ہے اور وہ زندہ ہے، نوجوان کے اہل خانہ اس کے قتل کی تردید کررہے ہیں۔
اہل خانہ کی جانب سے جام امان کے قتل کی خبر کو جھوٹ اور پاکستان تحریک انصاف کا پروپیگنڈا قرار دیا گیا ہے۔
پی ٹی آئی کا احتجاج ختم : جڑواں شہروں اور لاہور میں معمولات زندگی اور انٹرنیٹ سروس بحال
دوسری جانب تحریک انصاف کا احتجاجی دھرنا ختم ہونے کے بعد سینیٹر فیصل واوڈا کا کہنا تھا کہ پاکستان تحریک انصاف (پی ٹی آئی) پر پابندی لگنے والی ہے۔
سینیٹر فیصل واوڈا کا کہنا تھا کہ سنگجانی میں جلسہ کرنے پر راضی ہوجاتے تو عزت رہ جاتی، تمام لیڈر شپ نے کہا اس خاتون نے ہمارے لیے مصیبت بنائی، علی امین گرفتار نہیں ہونگے، بشری بی بی گرفتار ہوں گی۔
