ایشین یوتھ گرلزنیٹ بال چیمپئن شپ میں پاکستان کی فتوحات کا سلسلہ جاری ہے ٹیم نے جاپان کو بھی شکست دے دی۔
تفصیلات کے مطابق جنوبی کوریا میں جاری چیمپئن شپ میں پاکستان نے ایشین یوتھ نیٹ بال چیمپیئن شپ میں جاپان کو شکست دیکر مسلسل چوتھی کامیابی حاصل کرلی ہے۔
پاکستانی ٹیم نے اپنے چوتھے میچ میں 39 کے مقابلے میں 79 گول سے کامیابی حاصل کی، قومی ٹیم پول بی میں 8 پوائنٹس کے ساتھ پہلی پوزیشن پر موجود ہیں۔
ایشین یوتھ گرلز نیٹ بال چیمپئن شپ میں پاکستان ٹیم چھاگئی، چائنیز تائپے کو شکست
یاد رہے کہ پاکستان نے جمعہ کو سعودی عرب کے خلاف 71-15 سے فاتحانہ آغاز کیا تھا، جب کہ ہفتے کو چینی تائپے کو 56-32 سے شکست دی تھی, گزشتہ روز میزبان جنوبی کوریا کو 6-91 سے پچھاڑ کر تیسری کامیابی حاصل کی تھی۔
پاکستان ٹیم اپنا پانچواں میچ کل مالدیپ کے خلاف کھیلےگی، 27 جون کو شروع ہونے والی ایشین چیمپئن شپ 4 جولائی تک جنوبی کوریا کے جیونجو ہواسان جمنازیم میں جاری رہے گی۔
