اسلام آباد : وزیر اعظم نوازشریف کے مشیر خارجہ سرتاج عزیز کا کہنا تھا کہ پاکستان اپنے دفاع کو مضبوط بنانے کے لیے جدید ٹیکنالوجی کا حصول جاری رکھے گا.
ریڈیو پاکستان کے مطابق،مشیرخارجہ سرتاج عزیز نے بھارت کے سپرسونک انٹرسیپٹر میزائل ٹیسٹ پر خدشات کا اظہار کرتے ہوئے کہا کہ بھارت کی جانب سے کئے جانے والے میزائل ٹیسٹ سے خطے میں طاقت کا توازن غیر مستحکم ہوگا.
بھارت کی جانب سے کیے جانے والے نئےانٹرسیپٹر میزائل ٹیسٹ کے ذریعے کسی بھی سمت سے آنے والے میزائل کو تباہ کیا جاسکتا ہے.
مشیر خارجہ سرتاج عزیز کا کہنا تھاکہ بھارت کی جانب سے کیے جانے والے میزائل ٹیسٹ کے معاملے کو بین الاقوامی فورم پر اُٹھائیں گے.
وزیر اعظم کے مشیر خارجہ سرتاج عزیز کا کہنا تھا کہ پاکستان اپنی دفاعی صلاحیتوں سے اچھی طرح واقف ہے اور اپنے دفاع کو مضبوط بنانےکے لیے جدید ٹینالوجی کا حصول جاری رکھے گا.
وزیراعظم کے معاون خصوصی نے کہا کہ بھارت امریکہ کے ساتھ تعاون کر رہاہے، ان کا کے مطابق واشنگٹن کا خیال ہے کہ بھارت کا مضبوط ہونا چین کو روکنے کے لیے بہت اہم ہے.
