نیویارک: پاکستان فلسطینی مہاجرین کی مدد کرنے والے عالمی ادارے کی مالی مدد کرے گا، فیصلے کا اعلان اقوام متحدہ میں پاکستان کی مستقل مندوب ملیحہ لودھی نے کیا۔
تفصیلات کے مطابق پاکستان فلسطینی پناہ گزینوں کی مدد کے لیے سرگرم ہوگیا۔ پاکستان فلسطینی مہاجرین کی مدد کرنے والی اقوام متحدہ کی ایجنسی برائے امداد ( یونائیٹڈ نیشنز ریلیف ورکس اینڈ ایجنسی فار پیلیسٹین رفیوجیز ۔ یو این آر ڈبلیو اے) کی مالی مدد کرے گا۔
Announcing Pakistan’s contribution for assistance to Palestinian refugees at a meeting of the Ad Hoc Committee of the UNGeneral Assembly for voluntary contributions to UNRWA, the UN Relief and Works Agency for Palestine refugees in the Near East pic.twitter.com/YqaMwzf4OW
— Maleeha Lodhi (@LodhiMaleeha) June 25, 2019
اقوام متحدہ میں پاکستان کی مستقل مندوب ملیحہ لودھی نے کا کہنا تھا کہ پاکستانی امداد فلسطینی بھائیوں اور بہنوں کی اصولی حمایت کا ثبوت ہے۔ فلسطینی پناہ گزینوں کی مدد کے لیے ادارے کو وسائل کی کمی کا سامنا ہے۔
انہوں نے کہا کہ ادارہ بے دخل فلسطینیوں کی صحت، تعلیم اور دیگر ضروریات پوری کرتا ہے عالمی برادری کو فلسطینیوں کی حمایت جاری رکھنی چاہیئے۔
Pakistan’s commitment to our Palestinian brothers and sisters is firm and unwavering , I told the meeting today of the Ad Hoc Committee of the UNGeneral Assembly for voluntary contributions to UNRWA, the UN Relief and Works Agency for Palestinian refugees in the Near East pic.twitter.com/Y8gnloM57Q
— Maleeha Lodhi (@LodhiMaleeha) June 25, 2019
اس سے قبل ملیحہ لودھی نے سلامتی کونسل اصلاحات پر عالمی مذاکراتی عمل میں بیان دیتے ہوئے کہا تھا کہ ماضی سے سبق سیکھے بغیر اصلاحات کا عمل مطلوبہ نتائج نہیں دے گا۔
ملیحہ لودھی نے کہا کہ ممالک کو مذاکراتی عمل کو کامیاب بنانے کے لیے لچک کا مظاہرہ کرنا ہوگا، چند ممالک کی طاقت کے حصول کی خواہش اتفاق رائے کی راہ میں رکاوٹ ہے۔
