اسلام آباد : وزیر خزانہ محمداورنگزیب کا کہنا ہے کہ پاکستان جون تک پانڈا بانڈ جاری کرنے کا خواہاں ہے اور ینی سرمایہ کاروں سے 200 سے 250 ملین ڈالر اکٹھا کرنے کے خواہش مند ہیں۔
تفصیلات کے مطابق وزیر خزانہ محمد اورنگزیب نے ساوتھ چائنا مارننگ پوسٹ کو انٹرویو دیتے ہوئے کہا کہ پاکستان کےمعاشی استحکام کیلئےچینی سرمایہ کاری بہت اہم ہے، پاکستان جون تک پانڈا بانڈجاری کرنےکاخواہاں ہے۔
وزیر خزانہ کا کہنا تھا کہ چینی سرمایہ کاروں سے 200 سے 250 ملین ڈالر اکٹھا کرنے کے خواہش مند ہیں، گارنٹی کیلئے ایشین انفراسٹرکچرانویسٹمنٹ بینک سے بات چل رہی ہے۔
انھوں نے بتایا کہ آئندہ مہینوں میں کریڈٹ ریٹنگ کوسنگل بی میں بدلنےکیلئےپُرعزم ہیں اور سی پیک کےاگلےمرحلےمیں چین سے مزید تعاون کے خواہاں ہیں،وزیر خزانہ
وفاقی وزیر کا کہنا تھا کہ چین کے نجی شعبے،برآمدی صنعتوں کوپاکستان میں سرمایہ کاری کرنی چاہیے، چین کی بڑی کمپنیاں پاکستان کوبطوربرآمدی مرکزاستعمال کرسکتی ہیں۔
انھوں نے بتایا کہ سی پیک ٹومیں برآمدی صنعت کوترجیح سےقرض ادائیگی کوآسان بنایاجائےگا اور چینی کمپنیوں کوتحفظ کیلئےسیکیورٹی میں اضافہ کیا جائے گا۔
وزیر خزانہ کا مزید کہنا تھا کہ پاکستانی کمپنیوں اوربینکوں نےلندن اسٹاک ایکس چینج میں لسٹنگ کی ہے۔
