اسلام آباد : قومی سلامتی کمیٹی کے اجلاس میں سندھ طاس معاہدےکی خلاف ورزی پرعالمی فورمز سے رجوع کرنے کا فیصلہ کرتے ہوئے بھارتی سفارتی،آبی جارحیت کامنہ توڑ جواب دینےکیلئےوزارت خارجہ کی سفارشات منظور کرلیں۔
تفصیلات کے مطابق بھارت کی جانب سے اٹھائے گئے یکطرفہ جارحانہ اقدامات کا بھرپور جواب دینے کیلئے قومی سلامتی کمیٹی کا اہم اجلاس ختم ہوگیا۔
وزیراعظم شہبازشریف کی زیرصدارت اجلاس میں اعلیٰ سول وعسکری قیادت، وفاقی وزراء اوردیگرسینئر افسران شریک ہوئے۔
اجلاس میں پہلگام فالس فلیگ کےبعد کی داخلی وخارجی صورتحال پر غور کیا گیا۔
ذرائع کا کہنا ہے وزارتِ خارجہ نے بھارت کی غیرذمےدارانہ اقدامات کیخلاف تجاویزپیش کیں اور بھارت کے غیرذمےدارانہ اقدامات پرمؤثراورقانونی ردعمل تیار کیا گیا۔
اجلاس میں سندھ طاس معاہدہ منسوخی یا معطلی کے مختلف آپشنز پر غور ہوا اور بین الاقوامی عدالتِ انصاف میں جانے یا ورلڈ بینک سے ثالثی پر بھی غور کیا گیا ساتھ ہی بھارت سے شملہ معاہدہ سمیت دیگر تمام معاہدوں کا از سرنو جائزہ جائزہ لیا گیا۔
کمیٹی نے بھارت کی کسی بھی قسم کی مہم جوئی کا مؤثر جواب دینے کی حکمت عملی پر بھی غور کیا گیا۔
قومی سلامتی کمیٹی نے پہلگام واقعہ کے بعد پاکستان پر لگائے گئے تمام بھارتی الزامات مستردکدردیئے اور بھارتی سفارتی اور آبی جارحیت کا منہ توڑ جواب دینے کے لیے وزارت خارجہ کی سفارشات منظور کرلی گئیں۔
اجلاس میں سندھ طاس معاہدے کی خلاف ورزی پر عالمی فورمز سے رجوع کرنے کا فیصلہ کیا گیا.
