کابل : پاکستان نے افغانستان کو انسانی بنیادوں پر پانچ ارب روپے کی امداد فراہم کرنے کااعلان کردیا، امداد میں ادویات اور خوراک شامل ہوگی۔
تفصیلات کے مطابق پاکستان کے نمائندہ خصوصی برائے افغانستان محمد صادق نے سماجی رابطے کی ویب سائٹ ٹوئٹر پر اپنے پیغام میں کہا کہ وزیرخارجہ شاہ محمود قریشی نے دورہ کابل میں پاکستان کی جانب سے پانچ ارب روپے کی امدادی اشیا افغانستان کو فراہم کرنے کا اعلان کیا ، جن میں ادویات اور خوراک شامل ہوگی۔
1/4 Accompnied FM Qureshi to Kabul today. Met Interm Prime Minister along with several Ministers/officials and announced:
– Rs.5 billion in humanitarian assistance for Afghanisran in addition to the aid regularly flowing from Pakistan for over a month now. pic.twitter.com/Rjy9mtcDt9— Mohammad Sadiq (@AmbassadorSadiq) October 21, 2021
پاکستان کے نمائندہ خصوصی برائے افغانستان کا کہنا تھا کہ افغانوں کی آسانی کیلئے گیٹ پاس ختم کرنے کا اعلان کیا ہے، طبی بنیادوں پر پاکستان آنیوالے افغانیوں کو ویزا آن آرائیول دیا جائے گا اور پی سی آر ٹیسٹ کی شرط ختم کر رہے ہیں جبکہ افغان تاجروں کو طورخم پر ایک ماہ کا آمد پر ویزا دیا جائے گا جبکہ طورخم بارڈر 24 گھنٹے تجارت کے لیے کھلا رہے گا۔
2/4
– Patients will be issued on-arrival visas at Torkham.
– PCR test requirement for Afghans coming to Pakistan via Torkham has been abolished.
– Afghan traders will be given one-month on-arrival visas at Torkham.
-Torkham border will remain open 24 hours for trade.— Mohammad Sadiq (@AmbassadorSadiq) October 21, 2021
محمد صادق نے کہا کہ پاکستان افغانستان کی تجارتی سطح پر مدد کرے گا، پیدل بارڈر کراس کرنے والوں کیلئے بارڈر روزانہ بارہ گھنٹے کیلئے کھولا جائے گا، بارڈرسے صرف وہی لوگ آسکیں گے جن کے پاس ویزہ ہے جبکہ افغان ٹرک کراچی میں بھی داخل ہوسکیں گے۔
3/4
– The Torkham crossing will be open for 12 hours for pedestrians.
– Afghan trucks will be allowed to travel right upto Karachi.
– Ghulam Khan and Kharlachi crossings will be made more efficient.— Mohammad Sadiq (@AmbassadorSadiq) October 21, 2021
ان کا کہنا تھا کہ پاکستانی سفارتخانہ بزنس مین کو پانچ سال کا ویزہ دے گا جبکہ افغانستان سے پاکستان آنےو الے پھل اور سبزیوں پر ڈیوٹی نہیں ہوگی۔
4/4
– Fruits and vegetables coming to Pakistan from Afghanistan will not be subject to duty.
– Pakistan Embassy in Kabul will issue multi-entry visas for businessmen up to 5 years.— Mohammad Sadiq (@AmbassadorSadiq) October 21, 2021
وزیر خارجہ شاہ محمودقریشی کا مزید کہنا تھا کہ پاکستانی سفارتخانے کو پانچ سال کے ملٹی انٹری ویزا کے اجراء کا اختیار دے دیا ہے جبکہ پیدل بارڈر کراس کرنے والوں کیلئے دورانیہ 8 گھنٹے سے 12 گھنٹے کھلا ہوگا اور تجارت کیلئے سرحد 24 گھنٹے کھلی رہے گی۔