اسلام آباد : حکومتِ پاکستان نے آئی ایم ایف سے اسٹاف لیول معاہدے میں تاخیر پر امریکا سے بات کرنے کا فیصلہ کرلیا اور کہا تمام شرائط پر عملدرآمدہو چکا، معاہدہ میں تاخیر کا جواز نہیں۔
تفصیلات کے مطابق پاکستان اور آئی ایم ایف کےدرمیان اسٹاف لیول معاہدے میں تاخیر پر حکومت کا امریکا سے بات کرنے کا فیصلہ کرلیا۔
ذرائع وزارت خزانہ نے کہا ہے کہ تمام شرائط پر عملدرآمدہو چکا، معاہدہ میں تاخیر کا جواز نہیں، وزیرخارجہ نے بھی امریکی حکام سے آئی ایم ایف سے معاہدے پر بات کی۔
ذرائع نے بتایا کہ معاشی ٹیم نے آئی ایم ایف نے جو شرائط عائد کی ان پرمن و عن عمل کیا، وزیرخزانہ اسحاق ڈار امریکی سفیر سے آئی ایم ایف معاہدےپر بات کریں گے۔
وزارت خزانہ نے کہا کہ امریکا سے بات چیت کے بعد رواں ہفتے کے دوران آئی ایم ایف سے معاہدے کا امکان ہے۔
ذرائع کے مطابق آج بھی آئی ایم ایف کیساتھ ورچوئل مذاکرات ہوں گے ، آئی ایم ایف شرائط منوا کر دوبارہ انہی شرائط پربات کررہا ہے۔
