واشنگٹن : امریکا نے اعتراف کیا ہے کہ پاکستانی فوج اور سیکیورٹی فورسز نے دہشت گرد گروہوں کے خلاف موثر کارروائی کی اور دہشت گردوں کی مالی معاونت روکنے کیلئے اہم اقدامات کئے۔
تفصیلات کے مطابق امریکی وزارت خارجہ نے سال 2020 کی دہشت گردی پر رپورٹ جاری کردی ہے ، رپورٹ میں امریکا نے پاکستان کے دہشت گردی کیخلاف اقدامات کو سراہا۔
رپورٹ میں بتایا گیا سال 2020 میں پاکستان میں دہشت گردی کے حملے جاری رہے، اس دوران پاکستانی فوج اور سیکورٹی فورسز نے دہشت گروہوں کے خلاف کاروائی کی۔
رپورٹ کے مطابق پاکستان نے 2020 میں دہشت گردی کی مالی معاونت روکنے کیلئے اور فنانشل ایکشن ٹاسک فورس کے مطالبات کو پورا کرنے کے لیے اہم اقدامات کئے۔
امریکا نے رپورٹ میں افغان امن عمل میں اہم کردارا ادا کرنے پر پاکستان کے اقدام کی تعریف کی۔
خیال رہے امریکا نے افغانستان کی صورتحال میں پاکستان کے کردار کی تعریف کرتے ہوئے کہا تھا کہ افغانستان میں انسانی بحران سے بچنے کیلئے طالبان سے بات چیت جاری رکھنا ہوگی۔
