آئی سی سی انڈر 19 ورلڈ کپ میں قومی کرکٹ ٹیم نے مسلسل تیسری کامیابی حاصل کرتے ہوئے کوارٹر فائنل کے لیے کوالیفائی کرلیا۔
تفصیلات کے مطابق انڈر 19 ورلڈ کپ میں قومی ٹیم نے اپنے تیسرے میچ میں پی این جی کو 9 وکٹوں سے ہرا کر کوارٹر فائنل کے لیے کوالیفائی کرلیا، قومی ٹیم 28 جنوری کو آسٹریلیا سے کوارٹر فائنل کھیلے گی۔
پی این جی کی ٹیم نے پہلے بیٹنگ کرتے ہوئے محض 50 رنز پر ڈھیر ہوگئی، پی این جی کے اوپنر کرسٹور 11 رنز بناسکے باقی کوئی کھلاڑی ڈبل فگر میں بھی داخل نہ ہوسکا۔
قومی ٹیم کی جانب سے شہزاد نے پانچ اور احمد نے تین کھلاڑیوں کو پویلین کی راہ دکھائی۔
Player of the match award goes to Muhammad Shehzad as Pakistan record a comprehensive nine-wicket victory to top Group C.#PakistanFutureStars https://t.co/y0Ms4h0ni4 pic.twitter.com/7GcaTtiBGj
— Pakistan Cricket (@TheRealPCB) January 22, 2022
گرین شرٹس نے 51 رنز کا ہدف باآسانی 12 اوورز میں ایک وکٹ کے ںقصان پر حاصل کرلیا، عباس علی 27 اور حسیب اللہ خان 18 رنز کے ساتھ ناٹ آؤٹ رہے۔
انڈر 19 ورلڈ کپ کے ایک اور میچ میں بھارت نے یوگینڈا کو 326 رنز کے بھاری مارجن سے شکست دی، بھارت نے یوگینڈا کو 406 رنز کا ہدف دیا جس کے تعاقب میں یوگینڈا کی ٹیم 79 رنز پر ڈھیر ہوگئی۔
