سنچورین: جنوبی افریقہ کے خلاف پہلے دن پاکستان کی بیٹنگ لائن ریت کی دیوار ثابت ہوئی، البتہ بالرز کی مدد سے پاکستان میچ میں واپس آگیا۔
تفصیلات کے مطابق سنچورین میں جاری ٹیسٹ میچ میں پاکستانی بلے باز ایک ایک کرکے آؤٹ ہوتے رہے، سوائے بابر اعظم کے کوئی کھلاڑی جم کر نہیں کھیل سکا، پوری ٹیم 181 رنز پر پویلین لوٹ گئی.
پاکستان نے ٹاس جیت کر پہلے بیٹنگ کا فیصلہ کیا، اننگز کا آغاز کرنے والے امام الحق بنا کوئی رن بنائے پویلین لوٹ گئے، فخرزمان بھی صرف 12 رنز بنا سکے۔
شان مسعود 19 رنز پر وکٹ گنوا بیٹھے، اسد شفیق اور اظہر علی بھی زیادہ مزاحمت نہیں کرسکے، بابراعظم نے ذمہ دارنہ بیٹنگ کا مظاہرہ کرتے ہوئے نصف سنچری اسکور کی ۔ انھوں نے 71 رنز بنائے اور یوں پاکستان کو ٹوٹل 181 رنز تک پہنچ گیا۔
مزید پڑھیں: ٹی ٹوینٹی رینکنگ جاری، پاکستان کی پہلی پوزیشن برقرار
جنوبی افریقہ کی جانب سے ڈیان اولیور نے 6، کگیسو رابادا نے 3 اور ڈیل اسٹین نے ایک کھلاڑی کو آئوٹ کیا۔
پاکستانی بالرز نے متاثر کن بولنگ کی۔ میزبان ٹیم کی ابتدائی وکٹیں جلد گر گئیں، مگر پھر جنوبی افریقہ سنبھل گئی، دن کے اختتام پر جنوبی افریقہ نے 5 وکٹ پر 127 رنز بنائے تھے۔
