تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پاکستان انڈر19ٹیم کا دورہ بنگلا دیش تاخیر کا شکار

لاہور: بنگلہ دیش میں کرونا وبا کے باعث جاری لاک ڈاؤن کی وجہ سے پاکستان انڈر نائنٹین ٹیم کا دورہ آگے بڑھادیا گیا ہے۔

پی سی بی کی جانب سے جاری پریس ریلیز کے مطابق قومی انڈر 19 کرکٹ ٹیم اب گیارہ کی بجائے سترہ اپریل کو لاہور سے ڈھاکا روانہ ہوگی، کرونا وائرس کے باعث بنگلا دیش میں جاری لاک ڈاؤن کی وجہ سے قومی انڈر 19 اسکواڈ کی ڈھاکہ روانگی میں تاخیر کی گئی ہے۔

پاکستان کرکٹ بورڈ گزشتہ دو روز سےدورے کے نئے شیڈول کے لیے میزبان بورڈ سے رابطے میں تھا، اس سلسلے میں دونوں بورڈز نے دورے میں شامل میچز کی تعداد برقرار رکھنے پر اتفاق کیا ہے۔

نئے شیڈول کے مطابق اب دونوں ٹیموں کے مابین واحد چار روزہ میچ 23 اپریل سے سلہٹ میں شروع ہوگا، جس کے بعد دونوں ٹیموں کے درمیان ایک روزہ میچز پر مشتمل پانچ میچوں کی سیریز کا آغاز ہوگا جبکہ محدود طرز کی کرکٹ کے ابتدائی تین میچز سلہٹ جبکہ آخری دو ڈھاکہ میں کھیلے جائیں گے۔

دورے کے لیے حتمی 17 رکنی قومی انڈر 19 کرکٹ ٹیم کا اعلان بعد میں کیا جائے گا،قومی انڈر 19 کرکٹ ٹیم اب 10 مئی کو وطن واپس پہنچے گی۔

دورے کی تیاریوں کی غرض سے قومی انڈر 19 اسکواڈ کا فی الحال قذافی اسٹیڈیم لاہور میں جاری تربیتی کیمپ 12 اپریل سے نیشنل ہائی پرفارمنس سینٹر لاہور منتقل ہوجائے گا۔

پاکستان انڈر نائنٹین ٹیم کا نیا شیڈول

سترہ اپریل: بنگلا دیش روانگی

تئیس تا 26 اپریل: واحد چار روزہ میچ بمقام سلہٹ

تیس اپریل: پہلا پچاس اوورز پر مشتمل میچ بمقام سلہٹ

دومئی: دوسرا پچاس اوورز پر مشتمل میچ بمقام سلہٹ

چار مئی: تیسرا پچاس اوورز پر مشتمل میچ بمقام سلہٹ

سات مئی: چوتھا پچاس اوورز پر مشتمل میچ بمقام ڈھاکہ

نو مئی: پانچواں پچاس اوورز پر مشتمل میچ بمقام ڈھاکہ

دس مئی: وطن واپسی

Comments

- Advertisement -