لاہور: چیمپئنز ٹرافی کے لیے پاکستان کرکٹ ٹیم کی جرسی کی رونمائی کردی گئی۔
لاہور کے نوتعمیر شدہ قذافی اسٹیڈیم کا افتتاح وزیراعظم شہباز شریف نے کیا اس موقع پر چیئرمین پی سی بی محسن نقوی، وزیر اعلیٰ پنجاب مریم نواز ودیگر شریک تھے۔
افتتاحی تقریب میں عارف لوہار، علی ظفر اور آئمہ بیگ نے بھی پرفارم کیا۔
لاہور کے میدان میں شائقین کرکٹ کی بڑی تعداد موجود تھی جو بابر اعظم کی آمد پر ان کی حمایت پر نعرے لگاتی دکھائی دی۔
اس موقع پر قومی کرکٹ ٹیم کی چیمپئنز ٹرافی کی کٹ کی بھی رونمائی کی گئی۔چیمپئنز ٹرافی کیلئے اعلان کردہ اسکواڈ نے تقریب میں نئی جرسی پہنی۔
واضح رہے کہ آئی سی سی چیمپئنز ٹرافی 2025 کی میزبانی پاکستان کررہا ہے اور چیمپئنز ٹرافی کا پہلا میچ 19 فروری کو پاکستان اور نیوزی لینڈ کے درمیان کھیلا جائے گا۔
