اسلام آباد : پاکستان نے پہلے سرکاری حمایت یافتہ بٹ کوائن ریزرو کا اعلان کر دیا اور کرپٹو مارکیٹ میں سرمایہ کاری کی اپیل بھی کی۔
تفصیلات کے مطابق پاکستان نے سرکاری حمایت یافتہ بٹ کوائن ریزرو اور قومی بٹ کوائن والٹ کے قیام کا اعلان کر دیا۔
پاکستان کرپٹو کونسل کے سی ای او بلال ثاقب نے اس بات کا اعلان بٹ کوائن ویگاس دو ہزار پچیس کے دوران کیا اور پاکستان کی کرپٹو مارکیٹ میں سرمایہ کاری کی اپیل بھی کی۔
پاکستان کرپٹو کونسل کے سی ای او بلال بن ثاقب نے ڈونلڈ ٹرمپ کا خصوصی شکریہ ادا کرتے ہوئے ٹرمپ کا حالیہ پاک بھارت کشیدگی میں امن اور کرپٹو کیلئے امریکی صدرکی خدمات کو سراہا۔
تقریب میں امریکی نائب صدر جے ڈی وینس، ایرک ٹرمپ ،ڈونلڈ ٹرمپ جونیئر بھی موجود تھے۔
مزید پڑھیں : پہلا "بلاک چین بیسڈ ہائی پرفارمنس کمپیوٹنگ لائسنس” جاری
وزیر مملکت برائے کرپٹو اور بلاک چین بلال بن ثاقب نے امریکا میں خطاب کرتے ہوئے کہا کہ یہ قومی بٹ کوائن والیٹ قیاس آرائیوں یا ہائپ کیلئے نہیں ہے۔ ہم ان بٹ کوائن کو کبھی فروخت نہیں کریں گے۔
ان کا کہنا تھا کہ پاکستان کی حکومت بٹ کوائن کے سرکاری ذخائر بنانے کی تیاری کررہی ہے، بٹ کوائن ذخائر نیشنل بٹ کوائن والٹ قرار دیے جائیں گے۔
وزیر مملکت برائے کرپٹو نے کہا کہ پاکستان یہ بٹ کوائن فروخت کرنے کیلئےنہیں بلکہ اپنے اثاثے بنانے کیلئےمحفوظ کرے گا، بحکومت پاکستان کے بٹ کوائن ذخائر کبھی بھی بٹ کوائن کی ریٹ کے اتار چڑھاؤ میں استعمال نہیں ہوں گے۔
انھوں نے مزید کہا کہ دنیا کے پاس پاکستان اور بٹ کوائن کے بارے میں بہت سی معلومات درست نہیں، دنیا کو خدشات ہیں کہ بٹ کوائن غیر مستحکم ہیں اور اس میں رسک ہے، دنیا بٹ کوائن کے پوٹینشل اور ریسورسز اور ٹیلنٹ کے پہلو بھی دیکھے، دنیا پاکستان کو ترقی کے مواقع کی نظر سے دیکھے۔
