اسلام آباد :نیشنل کمانڈ اینڈ آپریشن سینٹر کے سربراہ اسد عمر کا کہنا ہے کہ پاکستان میں پہلی بار ایک دن میں ویکسین لگوانے والوں کی تعداد پہلی بار ایک لاکھ سے تجاوز ہوئی ، خوشی ہے کہ لوگ کورونا ویکسی نیشن کیلئے خود کو رجسٹرکروا رہے ہیں ۔
تفصیلات کے مطابق نیشنل کمانڈ اینڈ آپریشن سینٹر کے سربراہ اسد عمر نے سماجی رابطے کی ویب سائٹ ٹوئٹر پر اپنے پیغام میں کہا ہے کہ گزشتہ روزپہلی بارویکسی نیشن کی تعدادایک لاکھ سےتجاوزکر گئی ، اس دوران ایک لاکھ 17ہزار 852افراد کی ویکسی نیشن کی گئی ، اب تک ملک بھر میں ویکسینیشن کی تعداد 21 لاکھ ہوگئی۔
اسدعمر کا کہنا تھا کہ خوشی ہےزیادہ سےزیادہ لوگ ویکسین کیلئےرجسٹریشن کرارہےہیں ، 40سال اوراس سےزائدعمرکےافرادویکسین کیلئے رجسٹریشن کرائیں۔
Daily vaccinations crossed 1 lakh in a day for the first time yesterday. Total vaccinations yesterday were 117,852. Total vaccinations so far now 2.1 million. Good to see more people registering. Please encourage all those 40 and above to register, if they have not done so far.
— Asad Umar (@Asad_Umar) April 28, 2021
گذشتہ روز نیشنل کمانڈ اینڈ آپریشن سینٹر نے 40 سے 49 سال کی عمر کے شہریوں کے لیے کرونا ویکسی نیشن رجسٹریشن کا آغاز کیا تھا، شہریوں کو خود کو رجسٹر کروانے کے لیے اپنا شناختی کارڈ نمبر لکھ کر 1166 پر میسج کرنا ہوگا، جس کے بعد اُن کے پاس این سی او سی سے پیغام آئے گا، جس میں ویکسین کی تاریخ اور سینٹر کے حوالے سے آگاہ کیا جائے گا۔
دوسری جانب ملک بھر میں50سے59 سال کی عمر کے افراد کیلیے واک ان ویکسینیشن کا سلسلہ بھی شروع ہوگیا ہے، شہری کسی بھی سینٹرمیں جاکر اپنا اصل شناختی کارڈ دکھا کر ویکسین لگوا سکتے ہیں۔
