پاکستان اورآسٹریلیا کے درمیان تیسرا ٹی ٹوئنٹی آج کھیلا جائے گا -
The news is by your side.

Advertisement

پاکستان اورآسٹریلیا کے درمیان تیسرا ٹی ٹوئنٹی آج کھیلا جائے گا

دبئی : پاکستان اور آسٹریلیا کے درمیان تیسرا ٹی ٹوئنٹی آج کھیلا جائے گا، تین ٹوئنٹی میچز کی سیریز میں گرین شرٹس کو 0-2 کی برتری حاصل ہے۔

تفصیلات کے مطابق پاکستان اور آسٹریلیا کے درمیان تیسرا ٹی ٹوئنٹی میچ آج کھیلا جائے گا، میچ پاکستانی وقت کے مطابق 9 بجے شروع ہوگا۔

کپتان سرفراز احمد کو یقین ہے وہ تیسرا ٹی ٹوئنٹی جیت کر سیریز 0-3 سے اپنے نام کرلیں گے۔ مایہ ناز آل راؤنڈر عماد وسیم آخری ٹی ٹوئنٹی میچ میں ایک بار پھرشاندار کارکردگی دہرانے کے لیے پرعزم ہیں۔

دوسرا ٹی ٹوئنٹی، آسٹریلیا کو شکست، سیریز قومی ٹیم کے نام

پاکستان نے دوسرے ٹی ٹوئنٹی میں آسٹریلیا کی ٹیم کو سنسنی خیز مقابلے کے بعد 11 رنز سے شکست دے کر سیریز اپنے نام کرلی تھی۔

گرین شرٹس نے مقررہ 20 اوورز میں 6 وکٹوں کے نقصان پر147 بنائے اور جیت کے لیے آسٹریلیا کو 148 رنز کا ہدف دیا تھا۔

واضح رہے کہ پاکستان اور آسٹریلیا کے درمیان اب تک 19 ٹی ٹوئنٹی میچز کھیلے گئے ہیں جن میں سے بارہ میچز میں پاکستان اور سات میں آسٹریلیا نے کامیابی حاصل کی ہے۔

Comments

comments

یہ بھی پڑھیں