پاکستان اور بنگلادیش کے درمیان سیریز کی تاریخ کا اعلان کردیا گیا، پاک بنگلادیش سیریز 28 مئی سے شروع ہوگی۔
تفصیلات کے مطابق پاک بنگلادیش سیریز 28 مئی سے شروع ہوگی، دونوں ٹیموں کے درمیان پہلا میچ 28 مئی، دوسرا میچ 30 مئی اور تیسرا یکم جون کو کھیلا جائے گا۔
واضح رہے کہ گزشتہ روز بنگلادیش کے خلاف 3 ٹی 20 میچز کی سیریز کے لیے پاکستان کے سولہ رکنی اسکواڈ کا اعلان ہو گیا، ٹی 20 سیریز میں ٹیم کی قیادت سلمان علی آغا کریں گے۔
پاکستانی اسکواڈ میں شاداب خان، فخر زمان، ابرار احمد، فہیم اشرف شامل ہیں، حارث رؤف، حسن علی، حسن نواز، حسین طلعت، خوشدل شاہ، محمد عرفان، محمد حارث، محمد وسیم جونئیر، صائم ایوب، صاحب زادہ فرحان، اور نسیم شاہ کو بھی اسکواڈ میں شامل کیا گیا ہے۔
Pakistan squad announced for Bangladesh T20I series in Lahore
More details: https://t.co/kTip0kPkpd#PAKvBAN | #BackTheBoysInGreen pic.twitter.com/GUcPCU1GH4
— Pakistan Cricket (@TheRealPCB) May 21, 2025
سیریز کے تینوں میچز لاہور کے قذافی اسٹیڈیم میں کھیلے جائیں گے، میچز کے شیڈول کا اعلان جلد کیا جائے گا۔
گزشتہ روز بنگلادیش کرکٹ بورڈ نے تصدیق کی تھی کہ ان کی کرکٹ ٹیم 3 ٹی 20 انٹرنیشنل میچز کھیلنے کے لیے پاکستان کا دورہ کرے گی، پی سی بی کے اعلامیے میں تصدیق کی گئی تھی کہ دونوں بورڈز کے سربراہان کے درمیان دبئی میں مذاکرات کامیاب ہوئے، جس کے بعد بنگلادیشی ٹیم دورہ پاکستان کے لیے رضا مند ہو گئی۔
شاداب خان کو میں کبھی بھی ٹیم میں نہ رکھوں کیونکہ؟ باسط علی نے راز کی بات بتادی
مہمان ٹیم کے مختصر دورے کے دوران 3 ٹی 20 انٹرنیشنل میچز کا انعقاد کیا جائے گا، جو 27، 29 اور 31 مئی کو لاہور میں کھیلے جائیں گے۔
